Սերը ափերով անուշիկ կանչ է,
Սերը ծափերով ցնծության մանչ է,
Սերը համբույրով կրքերի շունչ է,
Սերը արցունքով չարքերի փունջ է:
Հապա մի նայեք` ծովն ալեկոծ է,
Սիրո աշխարհը ինչ փոթորկած է,
Պայծառ գույները թերևս քիչ է,
Փրփուրների մեջ կույր սերը ճիչ է:
Գյուլնարա Իվանյան
Դժբախտ է սերը, եթե կարող ես այն չափել
Ուիլյամ Շեքսպիր
Սերը հանդիսանում է մարդու առաջնային պահանջմունքներից մեկը, ամենագլխավոր ձևերից մեկը հասարակության մեջ արմատավորվելու համար: Սիրո հիմնական և ամենակարևոր հատկությունն է բազմակողմանիությունը. յուրաքանչյուր մարդ ի վերջո գտնում է իր սերը և յուրաքանչյուրը հանդիսանում է, կամ ժամանակի ընթացքում դառնում է ինչ որ մեկի սիրո օբյեկտը: Գեղեցիկ է մարդը թե տգեղ, հարուստ թե աղքատ, երիտասարդ թե ծեր, միևնույն է, նա միշտ երազում է սիրո մասին և միշտ փնտրում այն: Դրա պատճառն այն, որ սերը գլխավոր և յուրաքանչյուրին հասանելի ամենահեշտ ձևն է ինքնահաստատվելու և կյանքում արմատավորվելու:
Բալզակն ասել է. <<Սերն իր մեջ միավորում է մարդու բոլոր բարի հատկությունները>>: Երբ սիրահարվում ես, սիրած առարկան և ողջ շրջապատը սկսվում է ընկալվել բոլորովին այլ կերպ, քան առաջ: Սերը հանդիսանում է կայուն և ամուր ընտանիք ստեղծելու հիմնական նախապայմանը: